21,24,25 fevral tarixlərində Acino şirkətinin əməkdaşları ilə birlikdə həkimlər üçün üç konfrans keçirdik və mən spiker qismində çıxış etdim.
Havanın əlverişsiz olmasına baxmayaraq, konfransın hər üç günü həm Bakının həm cənub regionunun müxtəlif rayonlarından olan iştirakçılarla uğurla keçdi.
Tədbirlər Bakıda və Lənkəranda baş tutdu və biz hamımız onun nəticələrindən son dərəcə məmnun qaldıq.
Hər bir tədbirin uğuru bütün komandanın birgə səyi və hər bir üzvün öz işini peşəkarlıqla, yüksək məsuliyyətlə yerinə yetirməsindən asılıdır. Acino əməkdaşlarının nümunəsində olduğu kimi, bu yanaşma yüksək nəticəni qaçılmaz edir, lakin onu sadəcə təkrarlamaq mümkün deyil – hər dəfə yenidən yaradılır.
