7 mart – Piylənməyə qarşı Ümumdünya Mübarizə Günü. Bu gün 200-dən çox mütəxəssisin – həkimlərin, dietoloqların, qidalanma mütəxəssislərinin, endokrinoloqların və digər sağlamlıq sahəsi üzrə ekspertlərin iştirakı ilə genişmiqyaslı konfrans keçirildi.
Mən dəvət olunmuş spiker qismində çıxış etdim və ilk dəfə olaraq belə bir tədbirdə “Psixiatrın piylənməyə baxışı” mövzusunda danışdım. Bu, mənim üçün dəyərli təcrübə oldu – çünki artıq çəki problemi çox vaxt emosional və davranış aspektləri ilə sıx bağlıdır.
Tədbir yüksək səviyyədə keçdi: auditoriya fəal idi, verilən suallar isə dərin və məzmunlu. Mövzunun bu qədər maraq doğurması və müzakirələrə səbəb olması sevindiricidir.
Piylənmə təkcə qidalanma və fiziki aktivliklə bağlı deyil, eyni zamanda psixoloji mexanizmlərlə də əlaqəlidir. Bu mexanizmləri anlamaq, effektiv həll yollarını tapmaq üçün vacibdir.
