Son zamanlarda qadınların peşəkar mühitdə rolu və onların kişi kollektivində fəaliyyəti mövzusunda tədbir keçirildi.
Tədbirin əsas məqsədi – qadınların üzləşdiyi çətinlikləri müzakirə etmək, uğurlu karyera inkişafı və peşəkar yüksəliş yollarını araşdırmaq idi.
Tədbiri rəsmi olaraq Vergi Xidmətinin rəisi Orxan Nəzərli açdı və vergi sahəsində qadınların dəstəklənməsinin vacibliyini vurğuladı. Vergi Xidmətinin rəis müavini Samira xanım və İnsan resursları departamentinin rəisi Aytən xanım da tədbirdə aktiv iştirak edərək, öz təcrübələrini və dəyərli məsləhətlərini bölüşdülər.
Müzakirələr, interaktiv tapşırıqlar və fikir mübadiləsi tədbiri dinamik və faydalı etdi.
İştirakçılar təkcə peşəkar çağırışları müzakirə etməklə kifayətlənməyib, həm də uğur hekayələrindən ilham aldılar, yeni həll yolları tapdılar və kollektiv daxilində dəstək ruhunu gücləndirdilər.
Bu tədbir təkcə görüş deyil, həm də vergi sahəsində qadın liderliyinin və peşəkar inkişafın möhkəmlənməsi yolunda önəmli bir addım oldu.
