“Sabah” futbol klubun məşqçi heyəti və aparıcı oyunçuları üçün “Emosional zəka” təlimi keçirdim.

Təlimin aktuallığı bu gün emosional zəkanın xüsusi diqqətə layiq olan populyar psixoloji konsepsiya kimi tanınmasıdır. Emosional zəkanın inkişafı idmançıların psixoloji hazırlıq səviyyəsinin artmasına, rəqabət şəraitinə uğurlu uyğunlaşmasına müsbət təsir göstərir.
Rəqabətqabiliyyətli fəaliyyət futbolçulardan yüksək səviyyədə motivasiya, texniki və taktiki hazırlığa və emosional vəziyyətini tənzimləmək bacarığına ehtiyac duyur. Futbol kimi idman növlərində oyunçuların dəyişən şərtlərə, rəqibin taktiki yeniliklərinə, oyun zamanı taktikanı dəyişdirməyə tez reaksiya vermə qabiliyyəti böyük əhəmiyyət daşıyır. Bunun üçün idmançı, öz emosional zəkasının səviyyəsini səciyyələndirən emosional vəziyyətini anlaya və idarə edə bilməlidir.